दियालो संस्थाद्धारा बालबालिकाहरुलाई टिफिन बक्स र अण्डा बितरण ।

वालिङ :
दियालो संस्थाले भुम्रे माविमा अध्ययनरत बालबालिकाहरुलाई टिफिन बक्स र अण्डा बितरण गरेको छ । संस्थाले उक्त बिद्यालयको शिशु कक्षा देखि ५ कक्षा सम्म अध्ययनरत बालबालिकाहरुलाई १३० वटा टिफिन बक्स र अण्डा बितरण गरेको हो ।
कार्यक्रममा बोल्दै दियालो संस्थाका अध्यक्ष कविता तिवारीले बालबालिकाहरुलाई सहयोग गर्न पाउँदा अत्यन्तै खुसी लागेको बताउनु भयो । उहाँले आगामी दिनमा पनि बिद्यार्थीहरुलाई निरन्तर सहयोग गर्ने प्रतिवद्धता व्यक्त गर्नुभयो । बिद्यालयका प्रधानाध्यापक तिलक पराजुलीको समन्वयमा संस्थाले टिफिन बक्स र अण्डा उपलव्ध गराएको भन्दै अध्यक्ष तिवारीले पोषण र स्वास्थ्यसँग सम्वन्धीत क्रियाकलापमा समेत संस्थाले सहकार्य गर्ने बताउनु भयो ।

.

कार्यक्रममा बोल्दै बिद्यालयका प्रधानाध्यापक तिलक पराजुलीले बिद्यार्थीहरुको स्वास्थ्य प्रति आफूहरु सचेत रहेको बताउनु भयो । सहयोगी संस्था दियालोलाई धन्यवाद दिदै प्रधानाध्यापक पराजुलीले निरन्तर सहयोग र सहकार्यको अपेक्षा रहेको बताउनु भयो ।
दियालो सुआहाराका कार्यक्रम प्रमुख ओमसुवा गुरुङले पोषण तथा बालबालिकाको स्वास्थ्य सम्वन्धी बिभिन्न बिषयमा जानकारी गराउनु भएको थियो ।
कार्यक्रममा दियालो संस्थाका सहसचिव सीता पंगेनी, बिद्यालयका शिक्षक गोविन्द काफ्ले लगायतले बोलेका थिए ।

.