७४ घरलाई कुखुराका चल्ला वितरण
तोलाकान्त बगाले/वालिङ :
वालिङ ५ को दलित बस्तीमा कुखुराका चल्ला वितरण गरिएको छ । वडा नं. ५ ले दलित समुदायको आयआर्जनमा जोड दिने गरी विनियोजन गरेको रकमबाट दलित उत्थान सञ्जालले वडाका दलित समुदायमा कुखुराका चल्ला वितरण गरेको हो ।
वडाका ७४ दलित घरपरिवारलाई चार सय ४४ वटा गिरीराज जातका कुखुराका चल्ला तथा एकसय ६२ केजी दाना वितरण गरेको हो ।
चल्ला वितरण कार्यक्रममा बोल्नुहुँदै नगर प्रमुख दिलीपप्रताप खाँणले आत्मनिर्भर बन्नका लागि ब्यवसायिक उत्पादनमा जोडिनु आवश्यक रहेको बताउनुभयो । ब्यवसाय सञ्चालनका क्रममा आईपर्ने जटिलता, कठिनाईहरुमा नगरपालिकाले आवश्यक सहयोग गर्नुका साथै उत्पादित बस्तुको बजारीकरणको ब्यवस्थासमेत मिलाईदिने बताउनुभयो ।
.
“ब्यवसायको थालनी गर्नुहोस्, सञ्चालनका क्रममा आर्थिक लगायत अन्य समस्याहरु परेमा नगरपालिकाले सहजीकरणको भूमिका खेल्नेछ” नगर प्रमुख खाँणले भन्नुभयो, “कृषक तथा पशुपालन गर्नेहरुका लागि नगरपालिकाले बीउ पूँजी तथा बैंकहरुसँगको समन्वयमा सस्तो ब्याजदरका कर्जा वा नगरपालिका जमानी बसेर विना धितो कर्जा उपलब्ध गराउने छौं ।”
कार्यक्रममा वडा नं. ५ का अध्यक्ष ढाकाराम पंगेनी, कार्यपालिका सदस्यहरु गीता रनपाल, जमुना केसी, साविक जगतभञ्ज्याङ गाविसका पूर्व अध्यक्ष नरप्रसाद रेग्मी, वडा सदस्यहरु महेश गुरुङ, अनिता नेपाली, नेकपा नेता थमन विक, समाजसेवी फालबहादुर नेपाली, दलित उत्थान सञ्जालका सचिव पार्वती परियार लगायतले मन्तब्य ब्यक्त गर्नुभएको थियो ।
दलित उत्थान सञ्जालका अध्यक्ष जीतबहादुर नेपालीको अध्यक्षतामा सम्पन्न कार्यक्रमको सञ्चालन सञ्जालका सदस्य महेश घेलेले गर्नुभएको थियो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…



