दक्ष खेलाडी उत्पादन गर्ने उद्देश्य सहित चापाकोटले शुरु गर्यो भलिबलको बन्द प्रशिक्षण ।

चापाकोट :
चापाकोट नगरपालिकाले भलिवलका दक्ष खेलाडी उत्पादन गर्ने उद्देश्यले बन्द प्रशिक्षण शुरु गरेको छ । नगरपालिकाले नगर खेलकुद बिकास समितिको समन्वयमा एक महिने प्रशिक्षण शुरु गरेको नगरपालिकाका प्रेस सल्लाहकार बिश्वप्रकाश भट्टराईले जानकारी दिनुभयो ।
कार्यक्रमको उद्घाटन गर्दै नगरप्रमुख शिबकुमार गिरीले प्रशिक्षणले दक्ष खेलाडी उत्पादन गर्ने बिश्वास व्यक्त गर्नु भयो । उहाँले भन्नुभयो,नगरपालिकाले दक्ष खेलाडी उत्पादन गर्ने बिशेष योजना गराएको छ ।

.

स्वस्थ जीवनको लागि खेल अनिबार्य रहेको भन्दै प्रमुख गिरीले खेलाडीका कारण नगरसँगै देशको पहिचान बढ्ने स्पष्ट पार्नु भयो ।
कार्यक्रममा वडा नम्वर ५ का वडा अध्यक्ष ईन्द्र बहादुर शाही लगायतले बोलेका थिए ।
नगर खेलकुद बिकास समितिका अध्यक्ष प्रबिण गिरीको अध्यक्षतामा सम्पन्न भएको कार्यक्रमको सञ्चालन गीता रानाले गर्नु भएको थियो ।
प्रशिक्षणमा १५ बर्ष माथिका ४० जना युवा युवतीको सहभागिता रहेको छ ।

.