स्याङ्जाको हरिनासमा कोदालोले हानेर १४ वर्षीय किशोरको हत्या ।

स्याङजा :
कोदालोले हिर्काएर शनिबार स्याङजामा एक किशोरको हत्या भएको छ । हरिनास गाउँपालिका वडा नं ५ आग्रीडाँडाका १४ बर्षीय बालक शेर बहादुर थापाको हत्या भएको हो । थापाका छिमेकी ३६ बर्षीय रेशम रानाले कोदालोले हानेर किसोरको हत्या गरेका जिल्ला प्रहरी कार्यालय स्याङजाका प्रबक्ता डिएसपी राजेन्द्र प्रसाद अधिकारीले जानकारी दिनुभयो ।
प्रबक्ता अधिकारीले हत्या गर्नुको कारण बारे अनुसन्धान शुरु गरिएको जानकारी दिनुभयो । उहाँले किसोरको घटनास्थलमा नै ज्यान गएको बताउनु भयो । किसोरको हत्या गर्ने रेशम रानालाई प्रहरी पक्राउ गरिसकेको छ ।

Facebook Comments Box