चापाकोट-मल्याङकोटका अति बिपन्न ५५ घरपरिवारलाई राहत सामाग्री प्रदान ।

आँधीखोला समाचार डेस्क ६ पुष २०७७, सोमबार २०:०६

चापाकोट :
चापाकोट नगरपालिका वडा नम्वर ४ मल्याङकोटका अति बिपन्न ५५ घरपरिवारलाई राहत सामाग्री प्रदान गरिएको छ ।
काठमाण्डौ निवासी दोर्जे शेर्पा र फुन्जु लामाले मल्याङ्कोटका ५५ घर परिवारलाई खाद्य लगायतका सामाग्री उपलव्ध गराउनु भएको हो । अतिबिपन्न ५५ परिवारलाई ५५ बोरा चामल,६ कट्टा दाल, ११० केजी नुन तथा बच्चाहरुको लागि जुत्ता लगायतका सामाग्री हस्तान्तरण गरिएको चापाकोट नगरपालिकाका प्रेस सल्लाहकार बिश्वप्रकाश भट्टराईले जानकारी दिनुभयो ।
राहत हस्तान्तरण गर्दै नगर प्रमुख शिबकुमार गिरीले अतिबिपन्न नगरबासीलाई आवश्यक पर्ने आद्यान्न लगायतका सामाग्री बिभिन्न श्रोतबाट भए पनि संकलन गरी उपलव्ध गराईने बताउनु भयो । उहाँले सहयोग उपलव्ध गराउने दुबैजनालाई धन्यवाद समेत दिनुभयो ।
कार्यक्रममा बोल्दै दोर्जे शेर्पाले आफूहरुले बचत गरेको रकमबाट समुदायका सदस्यहरुलाई सहयोग गरेको जानकारी दिनुभयो ।
चापाकोट नगरपालिका वडा न ४ का वडा अध्यक्ष बिक्रम शारु को अध्यक्षतामा कार्यक्रम सम्पन्न भएको हो ।

.

Facebook Comments Box

ताजा अपडेट

धेरै कमेन्ट गरिएका