स्याङ्जामा पहिलो पटक पत्रकारमा देखियाे कोरोना संक्रमण ।

स्याङ्जा : स्याङ्जामा पहिलो पटक पत्रकारलाई कोरोना संक्रमण पुष्टी भएको छ ।

नेपाल पत्रकार महासंघ स्याङ्जाका सचिव सुशिल सुवेदीलाई कोरोना संक्रमण भएको हो । सामान्य रुघा देखिएपछि पत्रकार सुवेदी विगत ५ दिनदेखि होम आईशोलेसनमा बस्दै आउनु भएकाे थियाे ।

वालिङ नगरपालिका वडा नम्वर १० का ३० वर्षीय पत्रकार सुवेदी ले छिट्टै कोरोनालाई परास्त गरेर काममा फर्कने बताउनु भएकाे छ । आँधीखाेला खबरसँग कुरा गर्दै पत्रकार सुवेदीले भन्नुभयाे, म छिट्टै काममा फर्कने छु ।

नियमित तातो पानी, तुलसी, अदुवा पानी, गुर्जोको रस तथा झोलिलो पदार्थहरु खाईरहेकाे सुवेदीकाे भनाइ छ ।

लामाे समय देखि नेपाल टेलिभिजनकाे स्याङ्जा संवादाताका रूपमा काम गर्दै आउनु भएका पत्रकार सुवेदी थाहा खबर, सिनेकला, मेरो दृष्टि लगायतका आधादर्जन मिडियामा आवद्ध रहनुभएको छ ।

Facebook Comments Box