उद्योगपति खुमा अर्यालले चापाकोटमा पुगेर भने,‘५० हजार कुखुरापालन गरि रोजगारी सिर्जना गराउँछु।’

चापाकोट : स्याङ्जा जिल्लाको चापाकोट नगरपालिकामा रहेको चापाकोट उद्योग वाणिज्य संघले उद्योगपति एवं मेडिकल सञ्चालक खुमाप्रसाद अर्याललाई भव्य स्वागत गरेको छ ।

संस्थाको विकास एवं चापाकोटमा उद्योग सञ्चालन गर्नेको लागि आफु प्रतिबद्ध रहेको बताउदै उद्योगपति अर्यालले वाणिज्य संघले उपयुक्त वातावरण मिलाउन आग्रह गरे ।

उनले आफु जिल्लाबासी पनि भएको बताउँदै चापाकोटमा ५० हजार जति कुखुरा पालन गर्ने र साना ठूला गरि सबै किसानहरुलाई मर्का नपर्ने गरि युवाहरुलाई सवरोजगार बनाउनु पर्ने बताएका थिए ।

संस्थाका वरिष्ठ उपाध्यक्ष निर्मल राना मगरको स्वागतसँगै सुरु भएको अन्तक्रिर्याको अध्यक्षता मणिप्रसाद खनाल र सञ्चालन महासचिव शिव श्रेष्ठले गरेका थिए ।

करिब ५० जना चापाकोट नगरपालिका उद्योगी एवं व्यापारी सहभागी कार्यक्रममा नेपाली कांग्रेसका नगर सभापति रामचन्द्र पंगेनी, महिला नेतृ गायत्री अर्याल, पत्रकार एवं युवा व्यावसायीहरु सहभागी भएका थिए ।

Facebook Comments Box