स्याङ्जामा कुटपिट गरी हत्या गरेको आरोपमा चार जना पक्राउ ।

आँधीखोला समाचार डेस्क आँधीखोला समाचार डेस्क १३ कार्तिक २०७७, बिहीबार १५:०९

स्याङ्जा :
स्याङ्जामा एक युवालाई कुटपिट गरी हत्या गरेको आरोपमा प्रहरीले चार जनालाई पक्राउ गरेको छ । पुतलीबजार नगरपालिका ६ पुरीस्वाराका २९ बर्षका सुर्य बहादुर गुरुङलाई कुटपिट गरी हत्या गरेको आरोपमा उनीहरुलाई पक्राउ गरिएको स्याङजाका प्रहरी प्रबक्ता राजेन्द्र प्रसाद अधिकरीले जानकारी दिनुभयो ।
प्रबक्ता अधिकारीका अनुशार पक्राउ पर्नेहरुमा सोही ठाउँको ३४ वर्षका टाउके भन्ने ईन्द्रजित गुरुङ र ३४ वर्षका गिरे बहादुर गुरुङ, २४ बर्षका किङकङ गुरुङ र २८ बर्षका सन्तोष गुरुङ रहेका छन ।
मंगलबार राति पुतलीबजार नगरपालिका ६ टक्सार कोल्डाँडा पहिरोस्थित मादक पदार्थ सेवन गरी दुई पक्ष बीच झडम हुँदा सुर्य बहादुर गम्भिर घाइते भएको थिए । घाइते गुरुङको मणिपाल शिक्षण अस्पताल पोखरामा उपचारको क्रममा मृत्यु भएको प्रहरीले जनाएको छ ।

Facebook Comments Box
यो पनि पड्नुहोस..  रुपन्देहीमा भटिए कोरोना संक्रमित, नेपालमा संक्रमितको संख्या ५९ पुग्याे ।

ताजा अपडेट

धेरै कमेन्ट गरिएका