८५ वर्ष उमेर कटेका जेष्ठ नागरिकहरुलाई गल्याङमा सम्मान
गल्याङ : ३० औं अन्तराष्ट्रिय जेष्ठ नागरिक दिवश २०७७ का अवसरमा गल्याङ नगरपालिकाले जेष्ठ नागरिकहरुलाई सम्मान गरेको छ ।
नगरपालिकाले वडा नम्बर ३ को कार्यालयमा ८५ वर्ष उमेर नाघेका १७ जना जेष्ठ नागरिकहरुलाई सम्मान गरेको हो ।
सम्मान कार्यक्रममा गल्याङ नगरपालिका प्रमुख भुपराज अधिकारीले जेष्ठ नागरिकहरु समाजको मार्गदर्शक भएको बताउनुभयो ।
जेष्ठ नागरिकहरुको अनुभवबाट धेरै कुरा सिक्न सकिने भन्दै उहाँले एक दिन मात्रै नभएर जेष्ठ नागरिकहरुलाई सधैं सम्मान गर्नुपर्ने बताउनुभयो ।
नगरप्रमुख अधिकारीले भन्नुभयो –‘उहाँहरुले जे जति संघर्ष गरेर समाजको लागि योगदान गर्नुभयो । त्यसबाट सिकेर हामीले समाजलाई अगाडि बढाउन सक्छौं ।’
जेष्ठ नागरिकहरुलाई आश्रममा लगेर उम्कने प्रबृत्ति भएको भन्दै उहाँले सबै व्यक्ति जेष्ठ नागरिक हुने कुरालाई सधैं स्मरण गर्नुपर्ने बताउनुभयो ।
उहाँले दिवशका अवसरमा केही जेष्ठ नागरिकलाई सम्मान गरिएको भन्दै नगरप्रमुख अधिकारीले सबै वडाहरुमा यस्तै खालको सम्मान गरिने जानकारी दिनुभयो ।
प्रमुख प्रशासकीय अधिकृत इश्वरीप्रसाद पाण्डेले ३० औं अन्तराष्ट्रिय जेष्ठ नागरिक दिवश २०७७ अवसरमा जेष्ठ नागरिकहरुलाई सम्मान गरिएको स्पष्ट पार्नुभयो ।
समाजलाई राम्रो बनाउनका लागि जेष्ठ नागरिकहरुलाई सधैं सम्मान गर्नुपर्ने बताउनुभयो ।
कार्यक्रममा वडा नम्बर तीनका अध्यक्ष महेश भट्टराईले जेष्ठ नागरिकहरुलाई सम्मान गर्ने संस्कारको विकास गर्नुपर्नेमा जोड दिनुभयो ।
उहाँले आफुले अरुको सम्मान गर्न सकेमा त्यही संस्कार आफुमा लागू हुने भन्दै जेष्ठ नागरिकहरुलाई एक दिन मात्रै नभई सधैं सम्मान गर्नुपर्ने बताउनुभयो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


