थप ३७ सय ४९ मा कोरोना पुष्टि

नेपालमा पछिल्लो २४ घण्टामा थप ३ हजार ७४९ जनामा कोरोना भाइरसको संक्रमण पुष्टि भएको छ।

बिहीबार स्वास्थ्य तथा जनसंख्या मनत्रालयको नियमित प्रेस ब्रिफिङमा मन्त्रालयका प्रवक्ता जागेश्वर गौतमले देशभरमा थप ३ हजार ७४९ जनामा संक्रमण पुष्टि भएको बताउनु भयाे ।

यससँगै कुल संक्रमितको संख्या १ लाख २१ हजार ७४५ पुगेको छ।

पछिल्लो २४ घण्टामा थप १६ हजार ५९८ पीसीआर परीक्षण भएका छन्।

 आज थप ३ हजार ५६४ जना संक्रमित निको भएका छन्। आजसम्म निको हुनेमा संख्या ८४ हजार ५१८ रहेकाे छ।

यस्तै गएको २४ घण्टामा १९ जनाको ज्यान गएसँगै कोरोना संक्रमणबाट ज्यान गुमाउनेको सङ्ख्या ६ सय ९४ पुगेको प्रवक्ता  गौतमले जानकारी दिनुभयाे।