कोरोना संक्रमण भएर वालिङको आइसोलेसनमा बसेका पुरुषको मृत्यु, मृत्यु पछि यस्तो आयो रिपोर्ट !

स्याङ्जा :
स्याङ्जाको वालिङ नगरपालिका ४ एलादीका एक पुरुषको आइसोलेसनमा उपचारार्थ रहदै गर्दा मृत्यू भएको छ । असोज ५ गते भारतबाट आएका ४३ बर्षिय पुरुषमा ७ गते कोरोना संक्रमण देखिएको थियो । संक्रमण देखिएका पुरुषको एलादीमा रहेको सुन्तलावारी होमस्टे सामुदायीक भवनमा राखेर उपचार भइरहेको अवस्थामा उहाँको निधन भएको वालिङ नगर स्वास्थ्य शाखाका प्रमुख कमल प्रसाद पाण्डेले बताउनु भयो ।
दुबै मृगौला फेल र क्यान्सरको रोगी रहेका ४३ बर्षिय पुरुषको निधन भएपछि आएको नतिजामा भने कोरोना नेगेटिभ आएको वालिङ नगरपालिकाका प्रमुख दिलिप प्रताप खाँणले जानकारी दिनुभयो ।उहाँको कोरोना परिक्षणका लागि सोमबार दोस्रो पटक स्वाव लिईएको थियो ।
कोरोना संक्रमण नेगेटिभ आएपनि उहाँको अन्त्येष्टी भने परिवारको चाहना अनुशार नगरपालिकाले नै व्यवस्थापन गरे अनुशार गरिने प्रमुख जिल्ला अधिकारी गंगा बहादुर क्षेत्रीले जानकारी दिनुभयो ।

Facebook Comments Box