गएकाे २४ घण्टामा काेराेनाबाट ११५४ संक्रमित, १६ जनाको मृत्यु ।

 ५ आश्विन २०७७, सोमबार १७:१२   | आँधीखोला समाचार डेस्क

गएकाे २४ घण्टामा काेराेनाबाट ११५४ संक्रमित, १६ जनाको मृत्यु ।

काठमाण्डाैं : कोरोना संक्रमणबाट गएको २४ घण्टामा नेपालमा १६ जनाको मृत्यु भएको छ। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा १६ जनाको कोरोनाका कारण ज्यान गएको छ। योसँगै नेपालमा कोरोनाबाट मृत्यु हुनेको संख्या ४ सय २७ पुगेको छ।

यस्तै सोमबार थप १ हजार १५४ जनामा कोरोना संक्रमण पुष्टि भएको छ। यीसहित हालसम्म संक्रमित हुनेको संख्या ६५ हजार २७६ पुगेको छ।

त्यस्तै पछिल्लो २४ घण्टामा १ हजार ५ जना कोरोनाबाट निको भएका छन्। यीसहित हालसम्म निको हुनेको संख्या ४७ हजार २३८ पुगेको छ। हाल देशभर सक्रिय संक्रमितको संख्या १७ हजार ६११ छ।

Facebook Comments

अन्तिम अपडेट: ५ आश्विन २०७७, सोमबार १७:१२





-->