स्याङजा बजार रेडक्रस उपशाखाद्धारा मास्क बितरण

भवानी अधिकारी/स्याङजा : नेपाल रेडक्रस सोसाइटी स्याङजा बजार उपशाखाको आयोजना तथा जिल्ला रेडक्रस सोसाइटी स्याङजा शाखाको समन्वयमा स्याङजा बजारमा मास्क बितरण गरिएको छ ।
जिल्ला प्रशासन, जिल्ला प्रहरी, स्थानीय रेडक्रसकर्मीहरुको समूहले मुख्य बजारमा मास्क नलगाई हिड्ने तथा ब्यापारी तथा कामदारगरी १ हजार २ सय ५० वटा मास्क बितरण गरेको उपशाखा सभापति बन्दना लम्सालले जानकारी दिनुभयो ।
यसैगरी, रेडक्रस जिल्ला शाखा स्याङजाले भीरकोट, वालिङ र गल्याङका मुख्य बजारमा समेत मास्क बितरण गर्ने जनाएको छ । बढ्दो कारोना संक्रमणबाट आफु पनि बच्न र अरुलाई पनि बचाउने उदेश्यले मास्क नलगाई हिड्ने, ब्यवसाय गर्ने र काम गर्नेका लागि उपशाखाले मास्क उपलब्ध गराएको हो ।

Facebook Comments Box