स्याङ्जामा हैजा रोगबाट एकको मृत्यु,५० भन्दा धेरै बिरामी ।

प्रकाश डोटेल/स्याङ्जा :

कोरोनाले आक्रान्त भएको समयमा स्याङ्जाको चापाकोट नगरपालिका वडा नं. २ छापकी ७२ वर्षिया जितकुमारी सिंजालीको हैजा रोग लागेर मृत्यु भएको छ ।

विभिन्न रोगबाट ग्रसित सिंजाली केहि दिन अघि स्थानीय स्वास्थ्य चौकीमा उपचारपछि घर फर्केकी थिईन । उनी उच्च रक्तचाप, मधुमेहबाट प्रभावित थिईन् ।

केहि दिनदेखि फैलिएको हैजा रोगबाट चापाकोट नगरपालिका वडा नं. ८ दामाचौरका महिला तथा बालबालिका गरी करिब झण्डै ५० जना स्थानीय बिरामी परेका छन् । उनीहरुको स्थानीय स्वास्थ्य चौकीमा उपचार भईरहेको छ ।

हैजा रोगलाई नियन्त्रण बाहिर जान नदिन चापाकोट नगरपालिका स्वास्थ्य शाखाले दामाचौरको एक स्थानीय विद्यालयमा स्वास्थ्य शिविर राखेर हैजा प्रभावितको उपचार थालेको शाखा प्रमुख विन्दु कोइरालाले जानकारी दिनुभयो ।

हैजा रोगबाट सामान्य प्रभावितलाई विद्यालयमा स्थापना गरिएको स्वास्थ्य शिविरमा उपचार गरिएको छ । कोईरालाका अनुसार स्वास्थ्य अवस्था जटिल भएका बिरामीलाई चापाकोट नगर अस्पतालमा उपचार गरिएको छ ।

कोरोनाबाट प्रभावित जनजीवन हैजा फैलिएसँगै थप त्रसित भएको स्थानीयले बताएका छन् । स्थानीयका अनुसार खास गरी महिला तथा बालबालिका हैजाबाट बढि प्रभावित भएका छन् । हैजालाई नियन्त्रण बाहिर जान नदिन नगरपालिकाले आवश्यक तयारी गरेको चापाकोट नगरपालिकाले जनाएको छ । तस्वीर : बिरामीको उपचार हुँदै ।

Facebook Comments Box

सेरोफेरो

थप सामाग्री

स्याङ्जामा बाँदर आतंक ‘पाकेको बाली भित्राउनै पाउँदैनन् किसान’

सहकारीको ऋण समयमै चुक्ता नगरे कडा कानुनी कारबाही गरिने

वालिङले ‘एक स्वास्थ्य’ नीति लागू गर्ने

समाचार

थप सामाग्री
वालिङमा शिक्षक मेन्टरिङ तालिम सम्पन्न, नवप्रवेशी शिक्षकलाई प्रमाणपत्र
३ हप्ता अगाडि

वालिङ : वालिङ नगरपालिकाले शिक्षकहरूको पेशागत क्षमता अभिवृद्धि तथा विद्यालय शिक्षाको गुणस्तर सुधार गर्ने उद्देश्यले सञ्चालन गरेको शिक्षक मेन्टरिङ कार्यक्रम…

वालिङले ‘एक स्वास्थ्य’ नीति लागू गर्ने
३ हप्ता अगाडि
हल गोरु पाल्ने कृषकलाई पाँच हजार
३ हप्ता अगाडि
स्याङ्जामा सुरक्षित पर्यटक सचेतना अभियान
३ हप्ता अगाडि

Recent Posts

TOP