कोइराला परिवारद्वारा मातापिताको नाममा अक्षयकोष।
स्याङ्जा : मातापिताको स्मृतिमा स्याङ्जाको पुतलीबजार १३ कुलबाँधकाे एक कोइराला परिवारले स्थानीय विद्यालयमा अक्षय कोष स्थापना गरेको छ ।
पिता प्रजापति कोइराला र माता नर्मदाको नाममा गाउँकै दियालो आधारभूत विद्यालयमा ५१ हजार १ सय ५१ रुपैयाँ राशिको अक्षयकोष स्थापना गरिएको जेठा छोरा ठाकुरप्रसाद कोइरालाले बताए ।
४ छोरा ठाकुर, ज्योतिराम, हरिप्रसाद र पुरुषोत्तम, छोरी रामकुमारी पौडेलले उक्त कोष स्थापना गरेका हुन् ।
विद्यालय व्यवस्थापन समिति अध्यक्ष रेशमबहादुर खत्रीलाई ४ दाजुभाइले सोमबार उक्त रकम हस्तान्तरण गरेका छन् । माता नर्मदाको वार्षिक पुण्यतिथिको अवसर पारेर उक्त रकम हस्तान्तरण गरिएको हो । गरिब तथा जेहेन्दार छात्रछात्रालाई बर्सेनि उक्त कोषबाट छात्रवृत्ति प्रदान गरिने उक्त विद्यालयका प्रधानाध्यापक समेत रहेका साइँला छोरा हरिप्रसाद कोइरालाले बताए ।
अक्षयकोषकोबाट प्राप्त ब्याजबाट कसरी छात्रवृत्ति प्रदान गर्ने भन्ने बारेमा व्यवस्थापन समितिको बैठकले निक्र्याेल गर्ने अध्यक्ष खत्रीले बताए । उनका अनुसार यसका लागि अलग्गै नियमावली बनाइने छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


