निरन्तरकाे बर्षाले कालीगण्डकी जल शतह बढ्याे, विश्वकै ठूलो शिला शालीग्राम डुबानमा
नारायण न्यौपाने/पाल्पा :
बिहिवार देखिको अविरल वर्षाका कारण कालीगण्डकी नदिको बहाब बढेपछि विश्वकै ठूलो शिला शालीग्राम डुबानमा परेको छ । स्याङजा, पर्वत र गुल्मीको संगम स्थल स्याङजाको गल्याङ नगरपालिका वडा नं. ५ सेतीवेणीमा रहेको शिला शालीग्राम डुबानमा परेको हो । शिला संरक्षणका लागि बनाएको तटबन्ध समेत पानीले पुरिएपछि शिलामा दर्शन गर्न जाने पूर्वाधारमा पनि पूर्णरुपमा क्षति पुगेको स्थानिय रेशमराज न्यौपानेले बताउनु भयो । पानीको सतह बढेर बजारसँग जोडिएको संस्कृति विद्यालय र मन्दिरसम्म आइपुगेको छ ।
कालिगण्डकी नदि किनारमा भएको सेतिबेणी बजार समेत डुबानको उच्च जोखिममा छ । अहिले पानिको सतह कम भएको तर खतरा भने रहिरहेकाले स्थानियलाइ सुरक्षा अपनाउन भनिएको स्याङजाका प्रमुख जिल्ला अधिकारी गंगाबहादुर क्षेत्रीले बताउनु भयो । ‘सेतिबेणी बजार भन्दा ७ कि.मि तल रहेको कालिगण्डकी जलबिद्युत परियोजनाको ड्याम साइडको बाँधको ढोका पनी खोलिएको छ’, क्षेत्रिले भन्नुभयोे, ‘ढोका नखोलेर डुबानमा परेको हो भन्ने मानिसहरुको बुझाइ छ त्यसो होइन, अहिले नदिमा पानिको सतहनै बढि छ ।’
बर्सेनी सेतीवेणीका नागरिकहरु जोखिममा पर्दा समेत संरक्षणका लागि उचित ध्यान कुनै निकायबाट पनि पुग्न नसकेको भन्दै स्थानीय आक्रोशित बनेका छन् । पानि पर्न थालेपछि नै डुवाउन सक्छ की भन्ने चिन्ताले रातभर जाग्राम बस्नुपरेको स्थानीय शिक्षक अशोकसिंह पाण्डेले बताउनु भयो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


