स्याङ्जामा कालोबजारी गर्ने तीनजना पक्राउ

syangja-police

स्याङ्जा :

लकडाउनको मौका पारी कालोबजारी गरेको आरोपमा स्याङ्जा प्रहरीले विहिबार तीन जनालाई पक्राउ गरेको छ । पक्राउ पर्नेमा पुतलीबजार नगरपालिका–३ आमबोटका २४ बर्षिय गौरव प्रधान, ३३ बर्षिया विष्णुमाया शर्मा र पुतलीबजार–१० का ३५ बर्षिय चन्द्रबहादुर गुरुङ रहेका छन् ।

गौरवले सञ्चालन गरेको प्रधान किराना पसलबाट १ लिटर दरका भरि १९ बोत्तल पेट्रोल, बिष्णुमायाले सञ्चालन गरेको शर्मा किराना पसलबाट १ लिटर दरका भरी ९ बोत्तल पेट्रोल र १० लिटरको जर्किन भरी पेट्रोल र चन्द्रबहादुरले सञ्चालन गरेको आशिस किराना पसलबाट १ लिटर दरका भरि १४ बोत्तल अवैध पेट्रोलसहित तीन जनालाई पक्राउ गरिएको जिल्ला प्रहरीका प्रवक्ता डीएसपी राजेन्द्र अधिकारीले बताए । उपभोक्ताले पेट्रोल तोकिएको मुल्यभन्दा बढी मुल्यमा विक्री गरेको सुचना गुनासो गरेपछि पसलमा अनुगमन गरि पक्राउ गरिएको उनले बताए ।

‘जनताको गुनासोपछि हामीले अनुगमन गर्दा तीनै जनाले सञ्चालन गरेका पसलबाट पेट्रोल १ लिटरको पानीको खाली वोत्तल र प्लास्टिकको जर्किनमा भरी अनुचित नाफा लिई बढी मूल्यमा विक्रि गरेको भेटायौ’ डीएसपी अधिकारी भन्छन, ‘पक्राउ गरी उहा“हरुलाई जिल्ला प्रशासन कार्यालयमा कालोबजार तथा केही अन्य सामाजिक अपराध मुद्दामा ७ दिनको म्याद थप लिइ अनुसन्धान गरेका छौ ।’

Facebook Comments Box
TOP