पाल्पामा तीन दिन अघि मृत्यु भएका पुरुषमा कोरोना संक्रमण पुष्टी

काठमाडौँ : तीन दिन अघि पाल्पाको मिसन अस्पतालको आइसोलेशन कक्षमा मृत्यु भएका पुरुषमा कोरोना भाइरस (कोभिड – १९) संक्रमण पोजेटिभ देखिएको छ ।

बिहीबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. विकास देवकोटाले पुष्टी गर्नु भएकाे हाे ।

पूर्वखोला गाँउपालिका का ४० बर्षीय पुरुषको तीन दिन अघि मृत्यु भएको थियो ।

पूर्वखोला -२ जल्पा क्वारेन्टाइनमा रहेका उनलाई स्वास्थ्यमा समस्या भएपछि तानसेनस्थित मिसन अस्पताल पुरयाइएको थियो । त्यहाँ उनको मृत्यु भएको थियो । मृत्युपछि उनको स्वाब परीक्षणका लागि भैरहवास्थित प्रदेश जनस्वास्थ्य प्रयोगशालामा पठाइएको थियो ।