एम्बुलेन्स चालकमा कोरोना संक्रमण देखिए पछि चापाकोट बजार बन्द गरियो ।

चापाकोट :
चापाकोटमा सञ्चालित एम्बुलेन्स चालकलाई कोरोना संक्रमण पुष्टी भएसँगै चापाकोट नगरपालिका बजार बन्द गराउनुका साथ आवतजावतमा कडाई गरीएको छ । समुदाय स्तरमा कोरोना देखिए पछि उच्च सतर्कता अपनाउदै कन्ट्याक ट्रेसिङको काम शुरु गरिएको नगर प्रमुख शिवकुमार गिरीले जानकारी दिनुभयो ।
आईतवार चापकोटका ती चालक पुरुषमा संक्रमण पुष्टी भएको थियो । यो सँगै चापाकोटमा पनि समुदाय स्तरमा कोरोना पुगेको हो । जिल्लामा यो दोस्रो पटक भेटिएको केश भएको स्वास्थ्य कार्यालय स्याङ्जाका प्रमुख याम प्रसाद शर्माले जानकारी दिनुभयो ।
उक्त व्यक्ति गएका सम्भावित ठाँउहरुलाई नियन्त्रणमा राखि कन्ट्याक ट्रेसिङको काम शुरु गरिएको नगरपालिकाका सुचना अधिकारी एवं स्वास्थ्य शाखा प्रमुख बिन्दु कोईरालाले जानकारी दिनुभयो ।