चापाकोटको क्वारेन्टीनमा बसेकाहरुलाई दिनहुँ गराईन्छ योग

दिबस भण्डारी/चापाकोट :
स्याङ्जा चापाकोट नगरपालिका विभिन्न क्वारेन्टाइनहरुमा भारतबाट आई बसेकाहरुलाई नियमित योग गराउदै आईएको छ ।
नियमित गरिने योग र ब्यायामले मानिसमा चिन्ता हट्ने तथा रोगप्रतिरोधात्मक शक्ति बढ्ने योग गुरु गोबिन्द प्रसाद गैह्रे बतउानु भयो । नियमित योग ब्यायाम गरेर स्वास्थ र आनन्दको अनुभुती गर्न पाउँदा क्वारेन्टीनमा बस्नेहरु पनि खुसी भएको योग गुरु गैह्रेको भनाई छ ।
नियमित योग तथा ब्यायाम गर्नेहरुलाई सहजै रोगले आक्रमण गर्न नसक्ने र कोरोना भाइरस विरुद्ध लड्न रोगप्रतिरोधात्मक क्षमता पनि स्वतः बृद्धि हुने गैह्रेले जानकारी दिनुभयो ।
पछिल्लो समय भारतबाट आई नगरपालिकाको क्वारेन्टीनमा बस्नेहरुको संख्या समेत बढिरहेको । उनीहरुको स्वास्थ्य लाई मध्यनजर गर्दै खानपान देखि स्वास्थ्य चेकजाँचमा विशेष ध्यान दिएको स्वास्थ्य शाखा प्रमुख बिन्दु कोइरालाले जानकारी दिनुभयो ।

.

भारतबाट आई वालिङकाे क्वारेन्टीनमा बसेकालाई दैनिक गराईन्छ योग