स्याङ्जाको वालिङमा प्रेसर कुकर पड्किदा एकजना गम्भिर घाईते

आँधीखोला खबर/स्याङ्जा :
स्याङ्जाको वालिङमा प्रेसर कुकर पड्किदा एक महिला गम्भिर घाईते हुनु भएको छ । भीरकोट ९ स्थायी घर भई वालिङ ९ भुम्रेका गोपाल पौडेलको घरमा डेरा गरी बस्ने ६४ बर्षीय सिर्जना गुरुङ घाईते हुनु भएको हो ।
घरको छानामा दाउराको चुल्होमा खाना पकाई रहेका बेला कुकर अचानक पड्किएको जिल्ला प्रहरी कार्यालय स्याङजाले जनाएको छ । घाईते गुरुङको प्राथमिक अस्पताल वालिङमा सामान्य उपचार गरी थप उपचारका लागि पोखरा पठाईएको छ । उहाको अनुहार, छाती लगायतका ठाउँमा पोलेको प्रहरीले जनाएको छ ।