कोरोना भाइरसविरुद्धको लडाई लामो र कठिन छ : प्रधानमन्त्री

काठमाडौं – प्रधानमन्त्री केपी शर्मा ओलीले कोरोना भाइरसविरुद्धको लडाई लामो र निकै कठिन रहेको बताउनु भएकाे छ ।

सोमबार साँझ देशबासीका नाममा सम्बोधन गर्दै प्रधानमन्त्री ओलीले कोरोना संक्रमितको संख्या बढिरहेको प्रति चिन्ता व्यक्त पनि गर्नु भयो ।

लामो समय संक्रमितको संख्या नबढेपनि पछिल्लो समय ह्वात्तै बढिरहेको भन्दै उहाँले भन्नुभयाे- कोरोना भाइरसविरुद्धको लडाई लामो र निकै कठिन छ।

रोग र भोक दुवैले आफ्ना नागरिक अप्ठेरोमा पर्न नदिन सरकार प्रयत्नसिल रहेको उहाँले बताउनु भएकाे छ ।

प्रधानमन्त्री केपी शर्मा ओलीले विज्ञहरुको राय सुझावका आधारमा देशको कुल जनसंख्याको कम्तीमा दुई प्रतिशत जनतामा कोरोना भाइरसको परीक्षण विस्तार गरिने बताउनु भएकाे छ।