गुल्मी ५ दिनका लागि ‘सिल’
कोभिड–१९ को संक्रमण जोखिम बढेपछि प्रदेश ५ को पहाडी जिल्ला गुल्मी पनि जेठ ५ गतेसम्मका लागि ‘सिल’ गरिएको छ । बुधबार तम्घासमा बसेको कोभिड–१९ संकट व्यवस्थापन केन्द्र र जिल्ला सुरक्षा समिति बैठकले बिहीबार बिहान ६ बजेदेखि ५ गते मध्यरातसम्म सवारी साधन आवतजावतदेखि सर्वसाधरणलाई घरबाहिर निस्कन रोक लगाएको हो ।
जिल्लामा अहिलेसम्म त्यस्तो कुनै जोखिम नभए पनि तराईका जिल्लामा संक्रमित बढ्दै गएको र ती जिल्लामा गुल्मीको धेरै निकटको सम्पर्क रहेकाले थप सतर्कताका लागि आवतजावतमा रोक लगाइएको प्रमुख जिल्ला अधिकारी भरतकुमार शर्माले बताए ।
तोकिएको समयमा गुल्मीमा सवारी आवतजावत पूर्ण बन्द रहनेछ । त्यस्तै बैंक, वित्तीय संस्था पनि बन्द हुनेछन् । तरकारी, दूध र इन्धनका पसल बिहान ११ देखि ५ बजेसम्म मात्र खुल्नेछन् । जिल्ला प्रशासन कार्यालयका प्रशासकीय अधिकृत लक्ष्मण पाण्डेयले काजकिरिया, सुत्केरी, बिरामीबाहकेका अन्य सबै गाडी सञ्चालनमा रोक लगाइएको बताए । ‘अबको ५ दिन अतिआवश्यक गाडीबाहेक अन्य चलाए कारबाही हुन्छ,’ उनले भने, ‘५ दिनका लागि पुग्ने खाद्यान्न रहेकाले ढुवानी पनि बन्द गरिएको छ ।’
तराईका जिल्लाबाट रातिको समयमा लुकिछिपी र खाद्यान्न ढुवानीका गाडीमा समेत मानिस आवतजावत गरेको सूचना आएपछि जिल्ला सिल नै गर्नु परेको उनले बताए । जिल्ला प्रशासनले पहिलो लकडाउनकै समयमा पनि निषेधाज्ञा जारी गरेको थियो ।
दोस्रो लकडाउन थप गर्दा पनि निषेधाज्ञा जारी भए पनि पछिल्लो एकसाता जिल्लाका विभिन्न बजारमा सर्वसाधरणको भीड र सडकमा सवारीको चाप बढेपछि प्रशासनको बुधबारको बैठकले सिल गर्ने निर्णय लिएको प्रजिअ शर्माले बताए । पत्रपत्रिकाबाट
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


