स्याङ्जामा पहिलोपटक देखियो कोरोना, दुईजनामा संक्रमण

स्याङजाका दुइजनामा कोरोना संक्रमण देखिएको छ । उनीहरु हालैमात्र भारतबाट आएर क्वारेन्टाइनमा बसेका थिए । यीसहित गण्डकीमा कोरोना संक्रमितको संख्या ७ पुगेको छ ।

जिल्ला स्वास्थ्य कार्यालय स्याङजाका प्रमुख यामप्रसाद शर्माले कोरोना संक्रमित भेटिएको पुष्टि गरे । प्रदेश स्वास्थ्य निर्देशकले यस विषयमा साढे ३ बजे प्रत्यक्ष प्रसारण गर्ने तय भएको पनि उनले बताए ।

वालिङस्थित सामुदायिक क्वारेन्टाइनमा रहेका दुवैजना पुरुष हुन । उनीहरु यही जेठ १० मा भारतबाट आएका थिए । उनीहरुको सोमबार पोखरास्थित प्रदेश जनस्वास्थ्य प्रयोगशालामा स्वाब परीक्षण भएको थियो । यसबारे थप बिबरणा अाउन बाँकी छ ।

यसअघि गण्डकीका बागलुङमा २, पूर्वी नवलपरासीमा २ र लमजुङका एकजनामा कोरोना देखिएको थियो । उनीहरुमध्ये बागलुङका २ जना उपचारपछि निको भएर घर फर्किएका छन् । एकजनाको काठमाडौं र दुईजनाको चितवनमा उपचार भइरहेको छ । (इकान्तीपुर डटकमबाट)

Facebook Comments Box