स्याङ्जामा आरडिटी पोजेटिभ देखिएका व्यक्ति सहित १६ जनाको पिसिआर परिक्षणको नतिजा आयो

आँधीखोला खबर/स्याङ्जा :

स्याङ्जामा आरडिटी पोजेटिभ देखिएका व्यक्तिको पिसिआर परिक्षणको नतिजा सार्जजनिक भएको छ । भारतबाट आएका गल्याङ नगरपालिका ८ का उक्त व्यक्तिको कोरोना पिसिआर परिक्षणको नतिजा नेगेटिभ आएको हो । उनी सहित १६ जनामा नै कारोना नभेटिएको स्वास्थ्य कार्यालय स्याङ्जाका प्रमुख याम प्रसाद शर्माले जानकारी दिनुभयो ।

गण्डकी र ५ नम्वर प्रदेशको सिमाना राम्दीमा परिक्षणका क्रममा आरडिटी पोजेटिभ पाईएको थियो । गल्याङ नगरपालिकाको क्वारेन्टाईनमा रहेका उनको हिजो स्वाव संकलन गरि परिक्षणका लागि पोखरा पठाईएको थियो । उनीसँगै स्याङजाबाट १६ जनाको कोरोना भाईरस पिसिआर परिक्षणका लागि पठाईएको थियो । भारतबाट ११ जनाको समुह आएको थियो, उनीहरु मध्ये १ जनामा कोरोना परिक्षण आरडिटी पोजेटिभ पाईएको थियो । पछिल्लो समयमा भारतबाट नेपालीहरु आउने क्रम बढेको भन्दै उनीहरुलाई व्यवस्थापन गर्ने काम भईरहेको नगरपालिकाहरुले जनाएकाछन् ।

त्यस्तै भीरकोटको क्वोन्टाईनमा बसेका ९ जना र वालिङको क्वारेन्टाईनमा बसेका ६ जनाको पनि नतिजा नेगेटिभ आएको छ ।

यसैबीच मृतकको भने पिसिआर परिक्षणको नतिजा आउन बाँकी रहेको छ ।

यता स्याङजाका प्रमुख जिल्ला अधिकारी राम बहादुर कुरुम्बाङले जिल्लामा बाहिरबाट मान्छे आउने क्रम जारी रहेकाले सचेत रहन सबैलाई आग्रह समेत गर्नु भएको छ ।

Facebook Comments Box