औद्योगिकग्राम निर्माणमा वालिङको भूमिका उत्साहजनक मन्त्री लम्साल (भिडियो सहित)
राधाकृष्ण डुम्रे/वालिङ :
गण्डकी प्रदेशका उद्योग,पर्यटन, बन तथा बातावरण मन्त्री बिकास लम्सालले औद्योगिक निर्माणका लागि वालिङ नगरपालिकाले गरेको क्रियाकलाप उत्साहजनक रहेको बताउनु भएको छ । नगरपालिकाको वडा नम्वर १० बैंडीमा निर्माण हुदै गरेको औद्योगिक ग्रामको स्थलगत निरिक्षण पछि मन्त्री लम्सालले भन्नुभयो, नगरपालिकाको क्रियाकलापले हामीलाई अत्यन्तै खुसी बनाएको छ । औद्योगिकग्राम सञ्चालनका लागि वालिङलाई पहिलो प्राथमिकतामा राखेको भन्दै मन्त्री लम्सालले भन्नुभयो, सम्भावनाको क्षेत्र भएकाले वालिङ प्रदेश कै प्राथमिकताको ठाँउ हो ।
आगामी आर्थिक बर्षका लागि कति बजेट छुट्याउदा ठीक हुन्छ भन्ने बुझ्नका लागि स्याङ्जा आएको मन्त्री लम्सालको भनाई छ ।
.

कार्यक्रममा गण्डकी प्रदेशका नीति तथा योजना आयोगका सदस्य ईन्जिनियर डाक्टर बिष्णुराज बरालले औद्योगिकग्रामको राम्रो नमुना वालिङबाट शुरु हुने लक्षण देखिएको बताउनु भयो । संघ, प्रदेश र स्थानीय गरी तीनै तहको गौरवको योजना रहेको भन्दै शुरुवादको उर्जालाई कायम राख्न नगरपालिकालाई सुझाव समेत दिनुभयो ।
अनुगमन पछिको कार्यक्रममा नगरप्रमुख दिलिप प्रताप खाँणले औद्योगिकग्राम स्थापनाका लागि अहिले सम्म भएका गतिबिधिका बारेमा जानकारी गराउनु भएको थियो । कार्यक्रममा नगर उपप्रमुख कल्पना तिवारी,वडा अध्यक्षहरु,बिभिन्न समितिका संयोजक तथा कर्मचारीहरुको उपस्थिति रहेका थियो ।
संघीय सरकारको ९२ लाख, प्रदेशको ५४ लाख र नगरपालिकाको लागतमा औद्योगिक ग्रामको पहिलो चरणको निर्माणको काम शुरु भएको नगरप्रमुख खाँणले जानकारी दिनुभयो ।
मन्त्री लम्सालले आजै वालिङमा रहेको नगरपालिकाको सरसफाई केन्द्रको पनि अवलोकन गर्नु भएको थियो ।
.


समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


