लकडाउनको मौका छोपेर स्याङ्जाको आँधीखोलाको दोहन, नियन्त्रणका लागि प्रहरी सक्रिय

आँधीखोला खबर/स्याङ्जा :
लकडाउनको मौका छोपी स्याङ्जाको आँधीखोलाको दोहन बढेको भन्दै प्रहरीले सक्रियता बढाएको छ । कोरोना रोकथामका लागि देशभर लकडाउन भईरहेको बेला आँधीखोलामा भने अबैधरुपमा बालुवाको उत्खनन र ओसारपसार भईरहेको भन्दै प्रहरीले सक्रियता बढाएको हो ।
पुतलीबजार नगरपालिका वडा नम्वर १० लामपाटा स्थित आँधिखोलामा अबैध रुपमा बालुवा उत्खनन् र ओसारपसारमा सक्रिय चार वडा ट्याक्टरलाई नियन्त्रणमा लिईएको स्याङ्जाका प्रहरी प्रमुख एसपी बिमलराज कणेंलले जानकारी दिनुभयो ।
प्रहरीले आँधीखोलाबाट ग १ त ५९०३, ग १ त ४७६६, ग १ त ५७४० र ग १ त ४२०९ नं का ट्याक्टरहरूलाई नियन्त्रणमा लिएको जनाएको छ ।
लकडाउनको मौका छोपी आँधीखोलाको दोहन गर्ने गर्ने क्रम बढेको भन्दै यसलाई नियन्त्रणमा लिनका लागि बिशेष सतर्कता अपनाईएको प्रहरी प्रमुख कणेंलले जानकारी दिनुभयो ।