जन्मदिनका अवसरमा भीरकोटको विपद व्यवस्थापन कोषमा नगद सहयोग

आँधीखोला खबर/भीरकोट :
आफ्नो जन्मदिनको अवसर पारेर भीरकोट जेसीजका कोषाध्यक्ष सिर्जना गौतम काफ्लेले नगरपालिकाको दैविक प्रकोप व्यवस्थापन कोषमा नगद सहयोग गर्नु भएको छ । आफ्नो जन्मदिनको अवसरमा गौतमले रु ११ हजार १ सय ११ रुपैँया नगरप्रमुख छायाराम खनाललाई हस्तान्तरण गर्नु भएको हो ।
कोरोना भाइरस कोभिड १९ ले विश्वभर महामारीको रुप लिएको छ भने नेपालमा रोकथामका लकडाउन भईरहेको अवस्थामा अति आवश्यक परेका नगरवासीलाई थोरै भएपनि राहत होस् भनेर सहयोग गरेको सिर्जनाको भनाई छ ।
नगद ग्रहण गर्दै नगरप्रमुख खनालले जन्मदिनको फजुल खर्च कटाएर अति आवश्यक कार्यका लागि सहयोग गरेको भन्दै सिर्जनालाई धन्यवाद दिनुभयो । उहाँले नगरपालिकाको कोषमा नगद तथा जिन्सी आउने क्रम जारी रहेको जानकारी दिनुभयो ।
कार्यक्रममा भीरकोट जेसीजका पदाधिकारीहरु तथा सदस्यहरुको उपस्थिती रहेको थियो ।

Facebook Comments Box