समाजसेवी शर्माद्धारा वालिङ नगरपालिकालाई बिभिन्न स्वास्थ्य सामग्री प्रदान

वालिङ :
वालिङ ८ काफलडाँडा घर भई हाल काठमाडौंमा बस्दै आउनुभएका समाजसेवी डोलराज शर्माले वालिङ नगरपालिकालाई स्वास्थ्य सामग्रीहरु प्रदान गर्नुभएको छ ।
विश्वभर महामारीकोरुपमा फैलिएको कोभिड १९ को जोखिम न्यूनिकरणका लागि खटिनुहुने ब्यक्तिहरुलाई सहयोग स्वरुप स्वास्थ्य सामग्री उपलब्ध गराएको समाजसेवी शर्माले बताउनुभयो ।
अहिलेको विषम परिस्थितिमा आफ्नो जन्मभूमिमा केही भएपनि सहयोग गरौं भन्ने भावनाले स्वास्थ्य सामग्री नगरपालिकालाई उपलब्ध गराएको बताउनुभएको छ ।
समाजसेवी शर्माले स्थानीय समाजसेवी केशभक्त गुरुङमार्फत वालिङ नगर प्रमुख दिलीपप्रताप खाँणलाई स्वास्थ्य सामग्री हस्तान्तरण गर्नुभएको हो ।

.

शर्माले ह्विल चियर ११ थान, सोडियम हाईपोक्लोराईड ५ लिटरको ६ जार, पिपिई सेट १० थान, नेबुलाईजर १० थान, स्प्रे टयाङ्कर ३ थान, सर्जिकल मास्क १० हजार थान, पञ्जा २ हजार थान, थर्मोमिटर गन ६ थान नगरपालिकालाई उपलब्ध गराउनुभएको हो ।
स्वास्थ्य सामग्री ग्रहण गर्नुहुँदै वालिङ नगर प्रमुख दिलीपप्रताप खाँणले समाजसेवी शर्माले अहिलेको विषम परिस्थितिमा स्वास्थ्य सामग्रीहरु उपलब्ध गराएर कोभिड १९ का विरुद्धमा अझ सशक्त भएर अगाडि बढ्न उर्जा मिलेको बताउनुभयो । नगर प्रमुख खाँणले स्वास्थ्य सामग्री सहयोग गर्नुहुने समाजसेवी शर्मासहित उहाँको परिवारप्रति धन्यवाद ज्ञापन गर्नुभयो ।

समाजसेवी डोलराज शर्मा, पत्नी साबित्री शर्मा तथा छोरा साजन शर्माका तर्फबाट महत्वपूर्ण सामाग्री नगरपालिकालाई प्रदान गरिएको बताईएको छ ।