कोरोना परिक्षण : स्याङ्जाबाट पठाईएका मध्ये ५७ जनाको नेगेटिभ

आँधीखोला खबर/स्याङ्जा :
स्याङ्जाबाट ९७ जनाको स्वाबको नमूना संकलन गरी परिक्षणका लागि पोखरा पठाइएकोमा ५७ जनाको नतिजा आएको छ । उनीहरु सवैको कोरोना नेगेटिभ आएको स्याङ्जाका प्रमुख जिल्ला अधिकारी रामबहादुर कुरुम्बाङले जानकारी दिनुभयो । चालिस जनाको भने नतिजा आउन बाँकी रहेको छ । विदेशबाट आएका ६ सय २४ जना मध्ये बिहिवार सम्म ९७ जनाको कोभिड १९ कोरोना परिक्षणका लागि पोखरा पठाईएको थियो । बिदेशबाट आएका अन्य व्यक्तिहरुको क्रमैसँग नमुना संकलन गरिने प्रशासनले जनाएको छ ।