असिनाले पुर्याएकाे क्षति प्रति सांसद मरासिनीद्धारा दुख व्यक्त, राहत उपलब्ध गराउन माग

आँधीखोला खबर/स्याङ्जा :
संघिय सांसद नायारणप्रसाद मरासिनीले असिनाका कारण करोडौँ क्षति भएकोमा दुख व्यक्त गर्नुभएको छ । प्रेस विज्ञप्ति जारी गर्दै सांसद मरासिनीले पिडित किसानलाई राहत र क्षतिपुर्ति उपलब्ध गराउन सरकारसंग माग गर्नुभएको हो ।
सांसद मरासिनीले जारी गर्नु भएको विज्ञप्तिमा भनिएको छ, ‘फेदीखोला गाँउपालिका अन्र्तगत विभिन्न वडामा चैत्र १ गते शनिबार राति आएको हावाहुरी सहितको असिना पानीले तरकारी , फलफूल, अन्नबाली, पशुपंक्षिमा गम्भिर क्षति पुर्याएको छ । गाउँपालिकालको वडा नं। ४ मा पुर्ण क्षति भएको छ अन्य ३ वडामा आंशिक क्षति पुगेको छ ।
प्राकृतिक विपत्तिमा करोडौँको नोक्सानी सहन बाध्य किसानहरु हुनुहुन्छ । तसर्थ यस प्राकृतिक विपत्तीप्रति गम्भिर दुख व्यक्त गर्दछु ।’ विज्ञप्तिमा भनिएको छ । ‘सम्पुर्ण पिडित किसानहरुलाई उचित राहत र क्षतिपुर्ति उपलब्ध गराउने निम्ति नेपाल सरकारसंग जोडदार माग गर्दछु ।’