कोरोना संक्रमित युवतीसंगै आएका स्याङ्जाका दम्पत्तिको कोरोना परिक्षण नेगेटिभ

आँधीखोला खबर/स्याङ्जा :
कतार एयरवेजमा आएकी कोरोना संक्रमित युवतीसगै आएका स्याङ्जाको फेदिखोलाका एक यात्रु र उनकी श्रीमतीको स्वाब परिक्षण नेगेटीभ आएको छ ।
कतार एयरवेजमा आएका युवाको श्रीमतीलाई समेत जरो आएपछि स्वाब परिक्षणको लागि नमुना लिइएको थियो । श्रीमान् र श्रीमति दुवैको नमुना लिइएकोमा दुबैको परिक्षण नेगेटिभ आएको स्याङ्जाका प्रमुख जिल्ला अधिकारी राम बहादुर कुरुम्वाङले जानकारी दिनुभयो । कतार एयरवेजमा कोरोना संक्रमित युवती सगै छ जना आएकोमा उनीहरु सबै स्वास्थ्यकर्मीको निगरानीमा क्वारेन्टाइनमा राखिएको छ ।