बालगृहलाई समाजसेवी खाँणको स्यानिटाइजर र पञ्जा उपहार

हिमलाल पराजुली/स्याङ्जा :
फेदीखोला गाउँपालिका १ मा रहेको बालगृहलाई कोरोना भाइरस (कोभिड १९ ) को संक्रमणबाट बचन सहयोग पुर्याउने उद्देश्यले वालिङ १ राम्बाचछाका समाजसेवी कृष्ण खाँणले स्यानिटाइजर र पञ्जा सहयोग गर्नु भएको छ ।
कोरोना भाइरसको संक्रमण नियन्त्रमा सहयोग पुगोस भनेर आफले बालगृहमा रहेका बालबालिकाको लागि सो सहयोग गरेको खाँणले बताउनु भयो । समाजसेवी खाँण नेपाल कम्युनिष्ट पार्टी नेकपाका नेता समेत हुनु ।
बालगृहकी सञ्चालक कमला पराजुलीले विश्व भरि महामारीको रुपमा फैलीएको कोरोना भाइरसको संक्रमणले सबैलाई त्रसित बनाइरहेको बेला बालगृहमा आफुले पनि उच्च सतर्कता अपनाए पनि स्यानिटाइजर र पञ्जाको अभाव भएकोमा अमोर सेवा नेपाल बालगृहको लागि बालगृहमै आएर सहयोग गरेकोमा आफुलाई निकै खुसी लागेको बताउनु भयो ।
अमोर सेवा नेपाल बालगृहमा हाल १५ बालक र ५ बालिका गरि २० जना रहेका छन् । २०६८ सालमा स्थापना भएको सो बालगृहमा आफन्त गुमाएका बेसाहारा बालबालिकाले आश्रय लिदै आएका छन् ।