संक्रमित युवासँगै आएका स्याङ्जाका अर्का युवाको पनि नेगेटिभ आयो कोरोनाको परिक्षण

राधाकृष्ण डुम्रे/स्याङ्जा :
धादिङका ३२ बर्षीय कोरोना संक्रमित युवासँगै एयर अरेबियाको फ्लाइटमा आएका स्याङ्जाका एक युवाको कोरोना परिक्षण नेगेटिभ आएको छ । फेदीखोला गाँउपालिका वडा नम्वर २ घर भएका ति युवाको स्वाब परिक्षण पनि नेगेटीभ आएको स्याङ्जाका प्रमुख जिल्ला अधिकारी राम बहादुर कुरुम्वाङले जानकारी दिनुभयो ।
चैत्र ६ गते कोरोना भाइरसको सक्रमित युवा दुबईबाट शारजहाँहुँदै काठमाडौँ आएका थिए । उनी आएको विमानमा १ सय ७० जना यात्रु सवार रहेको विवरण यस अघि नै सार्वजनिक भईसकेको छ । एयर अरेबियाको फ्लाइट नम्बर जी ९ ५३७ मा आएका स्याङ्जाका ती युवालाई हाल गाउपालिकाको क्वारेन्टाइनमा राखिएको फेदिखोला गाउपालिका अध्यक्ष घनश्याम सुवेदीले जानकारी दिनुभयो । उनको स्वाब परिक्षणको लागि कोभिड १९ को विशेष टोली मार्फत हिजो परिक्षणको लागि टेकुमा पठाइएको थियो ।
यसअघि कतार एयरवेजमा कोरोना संक्रमित युवती सँगै आएका स्याङ्जाका छ जना मध्ये एक दम्पत्ती र एक युवाको परिक्षण पनि नेगेटिभ आएके थियो । उनीहरु पनि स्वास्थ्यकर्मीको निगरानीमा क्वारेन्टाइनमा नै रहेकाछन् । चैत्र ४ गते कतार एयरवेजको क्यु आर ६५२ मा फ्रान्सबाट आएकी युवतीमा कोरोनो संक्रमित भएको पुष्टी भएको थियो ।

Facebook Comments Box
TOP