चापाकाेट : माओवादीबाट मारिएका नेत्र भण्डारीको स्मृतिमा भवन बन्दै

चापाकोट नगरपालिका वडा नम्बर ९ मा बन्न लागेको नेत्र स्मृति भबनको शिलान्यास गरिएको छ । चापाकोट नगरपालिकाका प्रमुख शिव कुमार गिरीले आज एक कार्यक्रमका बिच भवनको शिलान्यास गर्नु भएको हो । २०५८ साल कार्तिक १९ गतेका दिन चापाकोट नगरपालिका ९ का नेत्र भण्डारीको तत्कालिन बिद्रोही माओवादीबाट हत्या भएको थियो ।
कार्यक्रममा बोल्दै नगरप्रमुख शिव कुमार गिरीले आगामी दिनमा बिगतको जस्तो द्धन्दको अवस्था कहिले पनि आउन नहुने बताउनु भएको थियो ।

भबन चापाकोट नगरपालिकाको आर्थिक सहयोगमा बन्न लागेको भबन निर्माण समितिका अध्यक्ष हिकरण्यलाल आचार्यले जानकारी दिनुभयो ।
कार्यक्रममा नेपाली काग्रेस नगर सभापति रामचन्द्र पंज्ञानी , नेपाल कम्युनिस्ट पार्टी चापाकोट का अध्यक्ष सिताराम गैह्रे ,चापाकोट नगरपालिका वडा ९ का वडा अध्यक्ष शंकर भक्त भण्डारी लगायतले बोलेका थिए ।
कार्यक्रममा स्वागत मन्तव्य उत्तम आचार्यले राख्नु भएको थियो भने सञ्चालन रामु बस्यालले गर्नुभएको थियो ।

Facebook Comments Box