अष्ट्रेलियाको जनसम्पर्क समितिले तोक्यो अधिवेशन संयोजक, सिड्नीमा स्याङ्जाका शितल गिरी
सिड्नी । जनसम्पर्क समिति अष्ट्रेलियाको दीर्घ विवाद समाधान हुने भएको छ । लामो समयदेखि अधिवेशन नभइरहेको अवस्थामा समितिले नयाँ कार्यसमिति चयनको प्रक्रिया शुरु गरेको छ ।
नेपाली कांग्रेस केन्द्रीय कार्यसमितिले दिएको निर्देशनबमोजिम संयोजक कृष्ण गिरीले अष्ट्रेलियाका विभिन्न राज्यमा रहेका जनसम्पर्क समितिहरुलाई अधिवेशनका लागि संयोजक तोकेका छन् ।
छ वर्षदेखि हुन नसकेको अधिवेशन अब चाँडै हुने अष्ट्रेलियाका जनसम्पर्क समितिका संयोजक गिरीले बताए । संयोजक गिरीले भने, ‘अब एक भएर अगाडि बढ्नुको विकल्प छैन । सबैको एकताबाटै संस्था बलियो हुन्छ । केन्द्रको निर्णयलाई सम्मान गर्दै अधिवेशनकालागि एक हुन सबैमा आग्रह गर्दछु ।’
यता जनसम्पर्क समिति सिड्नीको संयोजकमा शितल गिरी उम्मेदवार बन्ने भएका छन् । नेपाली कांग्रेसमा लामो समयदेखि क्रियाशील गिरी स्याङ्जा रुपाकोटका हुन् । सन् २००९ देखि अष्ट्रेलियाका युवाहरुलाई संगठित गर्दै विभिन्न सामाजिक कार्यमा पनि गिरी सक्रिय छन् । गिरीले भन्छन्, ‘ शुरूमा जेमा आस्था भयो, आज पनि त्यसमा नै छ । बिचार, सोच र धारणामा फरक आएन । जीवन आजसम्म नेपाली कांग्रेस भनेर लागियो’
गिरीलाई संयोजक तोकिएपछि सिड्नीमा रहेका युवाहरूले पनि खुसी व्यक्त गरेका छन् । गिरी गैरआवसीय नेपाली संघ अष्ट्रेलियामा पनि धेरै नजिक रहेर बिभिन्न सामाजिक कार्य गर्दै अगाडि बढेका युवा हुन् ।
यसैगरी केन्द्रीय समितिको निर्णयले अधिवेशन समितिको अन्य राज्यका संयोजकहरूमा मेलबर्न रमेश चत्कौली, पर्थ निल थपलिया, ब्रिसबेन अभिमानसिंह बस्नेत, क्यानभरा भागीरथ सापकोटा, तास्मानिया प्रमोद सापकोटा ,डार्बिन सिजन गिरी र एडिलेटका लागि दिलीप पोखरेललाई तोकेको छ ।
केन्द्रले अष्ट्रेलियाको अधिवेशन समितिको निर्वाचन अधिकृतमा गणेश केसी र सिड्नीको निर्वाचन अधिकृतमा राजु अधिकारीलाई चयन गरेको छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


