बिदेशबाट आएकाहरुको नियमित स्वास्थ्य परिक्षण गर्दै आँधीखोला गाउँपालिका

आँधीखोला खबर/आँधीखोला :
कोरोना भाइरसको बढदो जोखिमलाई नियन्त्रण र थप सजगता अपनाउन आँधीखोला गाउँपालीकाले बिभिन्न क्रियाकलाप गरिरहेको छ । गाउपालिका भित्र बिदेशबाट आएका र १४ दिन नपुगेकाहरुलाई स्वास्थ्यकर्मी र सुरक्षाकर्मीको प्रत्यक्ष रेखदेखमा अनिवार्य होम क्वारेन्टाइनमा बसालिएको अध्यक्ष सुधिर पौड्यालले जानकारी दिनुभयो । बिदेशबाट आएका र १४ दिन पुरा नगरेका सबै नागरिक हाम्रो सम्पर्कमा छन् , अध्यक्ष पौड्यालले भन्नुभयो,उनिहरु को नियमित अनुगमन, स्वास्थ्य परिक्षण गर्ने, ब्यबस्थाको प्रबन्ध पालिकाले नै गरेको छ ।
सम्भावित घटनाहरु आइपरेको अबस्थामा गाउपालिकाले सेतिदोभान स्वास्थ्य चौकी र पन्चमुल स्वास्थ्य चौकीमा १३ बेड क्षमता को क्वारेनटाइन बेड को ब्यबस्थापन गरिएको छ प्रमुख प्रशासकीय अधिकृत राजु प्रसाद न्यौपानेले जानकारी दिनुभयो । उहाँले २५ वेड सम्मको व्यवस्थित वार्ड तयार गरिने जानकारी दिनुभयो । आवश्यक परेमा बिद्यालयमा समेत क्वारेन्टाईन बनाउनका लागि तयारी गरिएको उहाँको भनाई छ ।

स्वास्थ्य शाखाका प्रमुख निराजन लामिछानेले हेल्थ डेस्कको स्थापना गरेर आवश्यक सुचना प्रदान गर्नुका साथै नागरिकहरुको स्वास्थ्य परिक्षण गर्ने काम भईरहेको जानकारी दिनुभयो ।
गाँउपालिका भित्रबाट सञ्चालित एम्वुलेन्स चालकहरुलाई सुरक्षा कवज पिपिई उपलव्ध गराईको अध्यक्ष पौड्यालले बताउनु भयो । उहाँले पालिकामा सर्वदलिय र सर्वपक्षिय बैठक बसी समन्वय समितिको गठन गरिएको जानकारी दिनुभयो । उहाँले पालिकाबासीलाई नआत्तिन र सचेत रहन आग्रह गर्नु भएको छ । कुनै समस्या आई परेमा तत्कालै खवर गर्न अध्यक्ष पौड्यालले आग्रह समेत गर्नुभयो ।