ज्येष्ठ नागरिकका घरमै पुगेर स्वास्थ्य परीक्षण
तोलाकान्त बगाले/वालिङ :
वालिङ नगरपालिका ८ नं. वडाले ज्येष्ठ नागरिकलाई घरमै पुगेर स्वास्थ्य सेवा प्रदान गरेको छ । गतवर्ष ज्येष्ठ नागरिकलाई सम्मान गरेको वडाले यसवर्ष भने ७० वर्ष माथिका ज्येष्ठ नागरिकको घर घरमै स्वास्थ्यकर्मीको समूहमार्फत स्वास्थ्य परीक्षण गराईएको वडा अध्यक्ष कमलप्रसाद सुबेदीले बताउनुभयो ।
“‘वालिङ नगरपालिकाको स्वास्थ्य प्रवद्र्धन मेरो अभियान’ अन्तर्गत शुरु गरिएको यो अभियानलाई वडाका प्रत्येक टोल टोलमा पु¥याउँछौं” वडा अध्यक्ष सुबेदीले भन्नुभयो, “घर घरमै पुगेर ज्येष्ठ नागरिकमा देखिने नसर्ने रोग पहिचानका लागि रक्तचाप, मधुमेह र मोटोपनाको स्वास्थ्य परीक्षण गर्नेछौं ।”
उमेरका दृष्टिले पनि ज्येष्ठ नागरिकहरुमा अलि बढी स्वास्थ्य सम्बन्धी समस्याहरु देखिन सक्ने भएकाले विशेष गरी ज्येष्ठ नागरिकलाई लक्षित गरी यो अभियान थालिएको वडा अध्यक्ष सुबेदीले बताउनुभयो ।
ज्येष्ठ नागरिकलाई स्वास्थ्यचौकीसम्म ल्याई पु¥याउन समस्या हुने भएकाले पनि स्वास्थ्यकर्मीसहितको टोलीले घरमै पुगेर ज्येष्ठ नागरिकको स्वास्थ्य परीक्षण गर्नुकासाथै उचित परामर्शसमेत प्रदान गरिएको स्वास्थ्य शाखा प्रमुख एवं जनस्वास्थ्य अधिकृत कमलप्रसाद पाण्डेले बताउनुभयो ।
८ नं. वडामा सञ्चालन भएको यो अभियानलाई नगरका अन्य वडाहरुमा पनि विस्तार गर्दै ज्येष्ठ नागरिकहरुलाई स्वास्थ्य सेवा पु¥याउने तयारी भईरहेको छ । आफ्नै घर आँगनमा स्वास्थ्यकर्मीको टोलीले स्वास्थ्य परीक्षण गरेकोमा स्थानीय खुसी देखिन्छन् ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


