सानेपा हत्याकाण्ड : के देखियो सिसिटिभी फुटेजमा ?

काठमाडौं : ललितपुरको सानेपामा पूर्वसचिव अर्जुन कार्कीकी पत्नीको हत्या भएको छ ।

उक्त हत्याका बारेमा प्राप्त सिसिटिभी फुटेजका आधारमा सोमबार बिहान १० बजेर १० मिनेटमा चौधरीले मुनालाई किचेनमा काम गरिरहेका बेला पछाडिबाट डोरीले घाँटी न्याँकेको देखिएको छ ।

१० बजेर २३ मिनेटमा चौधरीले मुनाको टाउकोमा केही चिजले सातपटक हिर्काएको र त्यसपछि करिब ४५ मिनेटसम्म उनी घटनास्थलमै ओहोरदोहोर गरिरहेको देखिएको छ।

११ बजेर २० मिनेटमा पूर्वसचिव कार्की घरमा आइपुग्दा चौधरी झुन्डिएको अवस्थामा र मुना किचेनमा लडिरहेकी अवस्थामा भेटिएका थिए ।

१० बजेर १० मिनेटमा मुनालाई घाँटीमा डोरीले न्याँकेर लडाउनुअघि पनि किचेनबाहिर चौधरी ओहोरदोहोर गरिरहेको फुटेजमा देखिएको छ।

सोमबार बिहान सानेपास्थित निवासमै मुनाको हत्या प्रयास भएपछि अर्धचेत अवस्थामा अस्पताल पुर्‍याइएको थियो । उपचारको लागि स्टार अस्पताल लगिएको मुनालाई अस्पतालले मृत घोषणा गरेको थियो ।

मुनाको हत्यामा संलग्न भनिएका कामदार दाङका विशेष चौधरी पनि मृत भेटिएका छन् । प्रहरीले घटनाको थप अनुसन्धान गरिरहेको बताएको छ ।सझा पोष्ट डटकमबाट

Facebook Comments Box