स्याङ्जाबाट पोखरा जाँदै गरेकाे कार दुर्घटना, १ जनाको मृत्यु, ३ घाइते

सिद्धार्थ राजमार्गअन्तर्गत पोखरा–२२, कालीमाटीमा कार दुर्घटनामा परी एक महिलाको मृत्यु भएको छ । दुर्घटनामा ३ जना घाइते छन् ।

स्याङ्जाबाट पोखरातर्फ जाँदै गरेको ग.१ च. ७७६३ नम्बरको कार शुक्रबार बेलुका दुर्घटना हुँदा कारमा सवार पोखरा–१७, बेलघारी बस्ने २१ वर्षीया जमुना क्षेत्रीको मृत्यु भएको हो ।

दुर्घटनामा घाइते भएका उहाँका नावालक बच्चाको मणिपाल शिक्षण अस्पताल पोखरामा उपचार भइरहेको जिल्ला प्रहरी कार्यालय कास्कीका प्रहरी नायव उपरीक्षक राजकुमार केसीले जानकारी दिनुभयाे ।

त्यस्तै तनहुँ बन्दीपुर घई हाल पोखरा–१७ बस्ने २१ वर्षीया वीना थापामगर र उनका ४ वर्षीय छोरा अनिल थापा घाइते भएका छन् ।

Facebook Comments Box