पाणिनी गुरुकुलमा खाद्यान्न लगायत कम्बल प्रदान
भवानी अधिकारी/स्याङजा :
मानव मिलन युवा समिति नेपालले पुतलीबजार नगरपालिका १४ स्थित पाणिनी आधुनिक गुरुकुल आश्रमममा खाद्यान्न लगायत कम्बल प्रदान गरेको छ ।
नेपाल केशरी डा. मणिभद्र मुनिजी महाराज अन्र्तगतको युवा समितिले शिक्षा र स्वास्थ्यका क्षेत्रमा पुरयाउदै आएको सेवा पाणिनी आश्रमलाई गरेको हो ।
संघीय सांसद नारायणप्रसाद मरासीनी र मानव मिलन युवा समितिका केन्द्रीय अध्यक्ष नवराज सुवेदीले आश्रमका संरक्षक स्वामी इश्वरानन्दजी महाराजलाई खाद्यान्न लगायत कम्वल हस्तान्तरण गर्नुभएको हो । ती सामाग्री हस्तान्तरण गर्दै संघीय सांसद मरासीनीले धर्म संस्कृतिको संरक्षणका लागि गुरुकुल आश्रमले पुरयाएको योगदानको अतुलनीय रहेको बताउदै गुरुकुलको विकासका लागि तन, मन र धन सबैले सहयोग गर्ने प्रतिवद्धता जनाउनुभयो ।
कार्यक्रममा मानव मिलन युवा समितिका केन्द्रीय अध्यक्ष एवं आश्रमका संस्थापक कोषाध्यक्ष नवराज सुवेदीले स्वास्थ्य र शिक्षाका क्षेत्रमा सहयोग गर्दे आएको समितिले आगामी दिनमा पनि यस्ता सहयोगले निरन्तरता दिइने बताउनुभयो ।
कार्यक्रममा पत्रकार महासंघका उपाध्यक्ष भवानी अधिकारी, गुरुकुलका छात्र मनप्रसाद उपाध्याय, आश्रम संचालक समितिका उपाध्यक्ष टंकप्रसाद पौडेल लगायतले गुरुकुललाई सहयोग गर्ने प्रतिवद्धता जनाउनुभयो ।

आश्रमका संरक्षक स्वामी इश्वरानन्दजी महाराजजीको अध्यक्षतामा सम्पन्न कार्यक्रमको संचालन सचिव चुडामणी भण्डरीले संचालन गर्नुभएको थियो ।
मानव मिलन युवा समितिद्धारा उपलब्ध गराइएको २५ थान कम्वल, चामल, तेल लगायतका खाद्यान्न प्रदान गरिएको हो । विसं २०७० सालदेखि संचालित सो विद्यालयमा हाल २५ जना बिद्यार्थी अध्ययनरत छन् । कक्षा ३, ५, ६ र ७ कक्षाका लागि ५ जना शिक्षकले पढाउदै आउनुभएको छ । गुरुकुलमा अंग्रेजी, बिज्ञान लगायत सबै पाठ्यक्रम सहित संस्कृत सम्बन्धी अध्ययन एवं हिन्दु संस्कार सम्बन्धी सम्पूर्ण कार्यको अध्यायन अध्यापन गराईदै आएको छ । आवासिय शिक्षा दिदै आएको गुरुकुल आश्रमका लागिे नियमित आम्दानीको मार्ग खासै छैंन । मानवीय सहयोगदाता र मुठिदानबाट आश्रम संचालन हुदै आएको छ । महायज्ञ र बिभिन्न दाताबाट संकलित रकमले आश्रमस्थल निर्माण गरिएको हो ।
साथै, पाणिनी आश्रममा फागुन २२ देखि चेैत १ गतेसम्म गुरुकुल उत्थान श्रीमदभागवत महायज्ञ एवं आधीखोला धार्मिक महोत्सव गरिने भएको छ । आधुनिक गुरुकुल एवं मावि तहको पढाई संचालन गरिने लक्ष्य सहित महायज्ञवाट गरिने भएको आश्रमका स्वामी हंसानन्दले जानकारी दिनुभयो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


