भ्रष्टाचार शून्यमा झार्ने सरकारको प्रतिबद्धता अनुशार नै अख्तियारको कदम: मन्त्री अर्याल

आँधीखोला खबर/स्याङ्जा :
भूमि व्यवस्था, सहकारी तथा गरिबी निवारणमन्त्री पद्माकुमारी अर्यालले भ्रष्टाचार शून्यमा झार्ने सरकारको प्रतिबद्धता भएको बताउनु भएको छ । स्याङ्जाको हरिनास गाउँपालिकामा रहेको मातृभूमि माध्यामिक विद्यालयको वार्षिकोत्सव समारोहमा सम्बोधन गर्दै मन्त्री अर्यालले भन्नुभयो, सरकार भ्रष्टाचार शुन्यमा झार्ने गरी अगाडि बढिरहेको छ ।
मन्त्री अर्यालले भ्रष्टाचार शून्यमा झार्ने सरकारको प्रतिबद्धता अन्तर्गत नै भर्खरै अख्तियारमार्फत नयाँ कदम चालेको मन्त्री अर्यालको तर्क छ ।


प्राविधिक शिक्षा आजको आवश्यकता भएको भन्दै उहाँले अब सबै विद्यालयहरुमा प्राविधिक शिक्षाको पढाइ हुनुपर्नेमा जोड दिनुभयो । शैक्षिक संस्थाहरुलाई बेरोजगार उत्पादनको केन्द्र बनाइन नहुने मन्त्री अर्यालको भनाई छ ।
विद्यालयहरुलाई बेरोजगार उत्पादन गर्ने कारखाना बनाउनु हुँदैन । विस्तारै सबै विद्यालयमा प्राविधिक शिक्षा लागू गर्ने सरकारको लक्ष्य रहेकोे भन्दै मन्त्री अर्यालले सोही लक्ष्य भेट्ने गरी सबैलाई अगाडि बढ्न आग्रह गर्नु भयो ।

मन्त्री अर्यालले आजै हरिनास गाँउपालिकाको छैठौं गाँउसभा तथा हिउदे अधिबेशनको समेत उद्घाटन गर्नु भएको छ ।

Facebook Comments Box
TOP