कालीगण्डकी गाउँपालिका जेष्ठ नागरिक सम्मान

टिकाराम अधिकारी/गल्याङ :
स्याङ्जाको कालीगण्डकी गाउँपालिकाले कालीगण्डकी गाउँपालिका भित्रका सात वडा वडामा विभिन्न कार्यक्रमका साथ जेष्ठ नागरिक सम्मान कार्यक्रमलाई तिव्रता दिएको छ ।
त्यसै क्रममा वडा नं ७ को कार्यक्रमको उद्घाट्न गर्दै प्रमुख अतिथि कालीगण्डकी गाउँपालिकाका उपाध्यक्ष सावित्रा कोइरालाले जेष्ठ नागरिकहरुका लागि कालीगण्डकी गाउँपालिकाले वृद्वाश्रम निर्माण गर्न नपरोस् भन्दै हरेक परिवारले जेष्ठ नागरिकको भावनालाई बुझेर काम गर्न आग्रह समेत गर्नु भयो ।
उहाँले जेष्ठ नागरिक भनेका हामीलाई लालन पालन गर्ने जन्म दिने हुर्काउने भगवान जस्तै भएको बताउदै भगवानको सेवामा तलिन हुन समेत आग्रह गर्नु भयो ।
उहाँले भन्नु भयो हामीले आफूलाई यो पवित्र संसार देखाउने बावुआमाको सेवा एक चित्तका साथ लाग्नु पर्ने कुरा बताउनु भयो ।

कार्यक्रममा टिकीसरा भट्टराईले जेष्ठनागरिक सम्मान कार्यक्रमले डाडाँमाथीका माघ भईसकेको अनुभवका खानीहरुलाई बाच्ने प्रेरणा र उर्जा मिल्ने कुरा बताउनु भयो ।
कार्यक्रममा वडा नं ७ भित्र ८० वर्ष भन्दा माथीका ५२ जना जेष्ठ नागरिक रहेको र ५० जनालाई न्यानो कपडा, हर्लिक्स,सर्बौत्तम पिठो लगाएतले सम्मान गरिएको थियो ।
कालीगण्डकी गाउँपालिका वडा नं ७ का वडाअध्यक्ष मुक्ति प्रसाद भट्टराईको अध्यक्षतामा भएको कार्यक्रमको स्वागत मन्तव्य वडासदस्य याम बहादुर थापाले र कार्यक्रमको सञ्चालन कृषि प्राविधिक लालीसरा थापाले गर्नु भएको थियो ।