प्रथम गल्याङ साहित्य उत्सव सम्पन्न

नारायण बिश्वकर्मा/गल्याङ :
गल्याङ नगरपालिका–३, गल्याङबजारमा आयोजित प्रथम गल्याङ साहित्य उत्सव सम्पन्न भएको छ ।

जगत्रदेवि साहित्य सङगमले आयोजना गरेको साहित्य उत्सवमा सात वटै प्रदेशका कवि, गजलकार, मुक्तककार, कथाकार, र समालोचकहरुको उपस्थिती थियो ।

उत्सवमा साहित्य संगमले प्रकासन गरेको वागीश्वरी नामक कृतिको दोस्रो अंक लोकापर्ण गरिएको छ ।

कृति लोकार्पण गर्दै गल्याङ नगरपालिकाका प्रमुख भुपराज अधिकारीले समाज परिवर्तनमा साहित्यको ठुलो योगदान रहेको बताए । ‘साहित्य संगीत मानिसका सारथी हुन, मानिसको जीवनमा यसले छिटो प्रभाव पार्छ ।’ उनले भने, ‘अव साहित्य र संगीतको माध्यामबाट विदेशीएका नेपालीलाई स्वदेश फकाउन प्रेरित गर्नुपर्छ ।’

त्यस्तै स्याङ्जा साहित्य प्रतिष्ठानका सचिव मिलन समिरले वागीश्वरी नामक कृति विमोचन गर्दै पुस्तक भित्र समावेस भएका समाजका विभिध सवल र दुर्वल पक्षले मानिसलाई अशल मार्गमा हिड्न प्रेरित गरेको बताए ।

कार्यक्रममा धादिङ, मकवानुर, डोटी, नवलपुर, झापा, मोरङ, जाजरकोट, बैतडी, दाङ, सर्लाही, बर्दिया, अछाम, रौतहट, रुकुम, तनहुँ र स्याङजा जिल्लाका कवि, गजलकारहरुको सहभागिता थियो ।

साथै साहित्यकारहरुले आ –आफ्नो रचनाहरु पनि समारोहमा वाचन गर्नुभएको थियो ।

यसैबीच प्रतियोगितात्मक कविता वाचन प्रतियोगितामा गल्कोट माविका बसन्ती अधिकारी प्रथम भएकी छिन् ।

भने दोस्रो कालीगण्डकी गुरुकुलका प्रशान्त अधिकारी, तेस्रो भानुभक्त आर्चाय माविका आशीष अर्याल र सान्तवना भानुभक्त माविका प्रजवल भण्डारी, विन्दु पंगेनी र गल्कोट माविका विष्णु अधिकारी भएका छन् ।

साहित्य संगमका अध्यक्ष सुर्य प्रसाद डुम्रेको सभापतित्वमा भएको कार्यक्रममा स्वागत सह सचिव डिल्लीराम भण्डारीले गर्नुभएको थियो । भने कार्यक्रमको सञ्चालन उपाध्यक्ष नारायण प्रसाद अधिकारीले गर्नुभएको थियो ।