कोरोना भाइरसको नाम ‘कोभिड–१९’ : डब्लूएचओ

विश्वलाई नै आतंकित बनाएको कोरोना भाइरस विरुद्धको खोप तत्काल तयार नहुने भएको छ । यो बन्न डेढ वर्ष लाग्ने भएको छ ।

विश्व स्वास्थ्य संगठन डब्लूएचओले कोरोना भाइरसविरुद्धको खोप १८ महिनामा तयार हुने जनाएको हो ।

यो कोरोना भाइरसको नामाकरण समेत गरिएको छ । यसको नाम ‘कोभिड –१९’ राखिएको डब्लूएचओ ले जनाएकाे छ ।

यो कोरोना भाइरस चीनको वुहान शहरबाट फैलिएको हो । २६ देशमा फैलिसकेको छ ।

एक हजार भन्दा बढीको ज्यान गइसकेको छ । १ हजार १ भन्दा बढीको ज्यान गएको छ ।
ज्यान जाने सबै चिनियाँ हुन् । फिलिपिन्स र हङकङमा पनि १–१ जनाको ज्यान गएको छ ।

कोरोना संक्रमित हुनेको संख्या ४२ हजार भन्दा बढी रहेको छ । दुई लाख मानिस निगरानीमा छन् ।

Facebook Comments Box