मोटरसाइकल दुर्घटनामा स्याङ्जाका सहाेदर दाजुभाइको मृत्यु

पोखरा : पोखरा महानगरपालिका वडा १४, चाउथेमा मोटरसाइकल दुर्घटनामा परी दुई दाजुभाइको मृत्यु भएको छ ।

मृत्यु हुनेमा स्याङ्जा जिल्लाको अर्जुनचौपारी गाउँपालिका आरुचौर घर भइ हाल चाउथे बस्ने सहाेदर दाजुभाइ ईश्वरबहादुर क्षेत्री र मेखबहादुर क्षेत्री हुन् ।

जिल्ला प्रहरी कार्यालय कास्कीका अनुसार बुधबार साँझ ग१४प ५२४ नम्बरको मोटरसाइकलमा सवार क्षेत्री दाजुभाइलाई विपरीत दिशाबाट आउँदै गरेको ग१ख ९५९५ नम्बरको बसले ठक्कर दिइ घाइते बनाएको थियो ।

घाइतेको उपचारार्थ पोखरा स्वास्थ्य विज्ञान प्रतिष्ठान (क्षेत्रीय अस्पताल) मा लगिएकोमा उपचार क्रममा मृत्यु भएको प्रहरीले जनाएको छ ।

Facebook Comments Box