उपमेयर कप राष्ट्रिय महिला लिग फुटबल : वालिङ नगरपालिका फाइनलमा

रौहतको चन्द्रनिगाहपुरमा जारी चन्द्रपुर उपमेयर कप राष्ट्रिय महिला लिग फुटबल प्रतियोगिताअन्तर्गत् बिहीबार भएका सेमिफाइनल खेलमा रौतहटको स्याङ्जाको वालिङ नगरपालिका र चन्द्रपुर नगरपालिका विजयी भएका छन् । दुवै टोली विजयी भएसँगै फाइनलमा प्रवेश गरेका छन् ।

बिहीबार भएको खेलमा उदयपुरको चौदण्डीगढी नगरपालिकालाई २–० ले नै हराउँदै वालिङ नगरपालिका विजयी भएको हो । वालिङको जितमा दुवै गोल अमिषा कार्कीले गरिन् । उक्त खेलमा वालिङकी सरिष्मा थापा ‘वमन अफ दी म्याच’ घोषित भइन् ।

त्यस्तै स्व. शेरबहादुर दर्लामी हातेमालो खेलमैदानमा बिहीबार भएको पहिलो खेलमा विराटनगर महानगरपालिकालाई २–० ले हराउँदै चन्द्रपुर नगरपालिका विजयी भएको हो ।

Facebook Comments Box