सिद्धार्थ राजमार्ग : वालिङ सडकखण्ड चार लेनको बनाउन टेन्डर आव्हान ।
आँधीखोला खबर/स्याङजा :
सिद्धार्थ राजमार्ग अन्तर्गत वालिङ नगरपालिका सडक खण्डको डेलिगेटेड २ लेन (चारलेन)को हुने भएको छ । नगरपालिका भित्र पर्ने सडक खण्ड अन्तर्गत पहिलो चरणमा जैसी पधेरा देखि पूर्ब पट्टिको सडक कालोपत्रे गर्नुका साथै चार लेनको बनाउनको लागि टेन्डर आव्हान भएको हो ।
सडक डिभिजन कार्यालय पोखराले ७ करोडको टेन्डर आव्हान गरेको वालिङ नगरपालिकाका प्रमुख प्रशासकीय अधिकृत गुरुदत्त सुवेदीले जानकारी दिनुभयो । उहाँले चालु आर्थिक बर्षमा नै काम गर्ने गरी टेन्डर आव्हान भएको बताउनु भयो । चारलेनको सडक बीचको भाग सहित २० दशमलव ५ मिटर को हुनेछ ।
राजमार्ग अन्तर्गत वालिङमा पर्ने अन्य सडकलाई कालोपत्रे र चार लेनको बनाउनको लागि डिपीआर तयार भईसकेको नगरप्रमुख दिलिप प्रताप खाँणले जानकारी दिनुभयो । उहाँले भन्नुभयो,“डिपिआर अन्तिम चरणमा पुगेको छ । यसबारे हामी संघ र प्रदेशसँग छलफल गरिरहेका छौं”
वालिङ नगरपालिकाले आफ्नो क्षेत्रमा पर्ने राजमार्ग अन्गर्तको सडकलाई आफ्नै पहलामा चौडा पारेको थियो । सिद्धार्थ राजमार्ग अन्तरगत पर्ने १६ वटा स्थानीयतह मध्ये वालिङले मात्रै सडक चौडा पार्ने कार्यलाई अन्तिम चरणमा पुर्याएको छ ।
स्याङ्जाका पुतलीबजार, भीरकोट र गल्याङ नगरपालिका तथा फेदीखोला गाँउपालिकाले समेत सडक चौडा बनाउने बारे छलफल शुरु गरेको बताईएको छ । पाल्पामा भएको राजमार्ग अन्गर्तका पालिकाहरुले आफ्नै पहलमा भए पनि सडक चौडा गर्नु पर्ने कुरा उठेको थियो ।
सरकारको स्मार्ट सिटिको अवधारणामा अगाडि बढिरहेको वालिङले सडक सँगै प्रत्यक्ष जनतासँग जोडिएका अन्य क्रियाकलापलाई समेत आधुनिकता प्रदान गर्दै लगेको जनाएको छ ।

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


