आत्महत्या दुरुत्साहन मुद्दामा लामिछानेसहित तीनैजनालाई सफाय

चितवन : पत्रकार शालिकराम पुडासैनीको आत्महत्या प्रकरणमा सञ्चारकर्मी रवि लामिछाने सहित तीनैजनाले सफाय पाएका छन् ।

जिल्ला अदालत चितवनले लामिछानेसँगै युवराज कँडेल र अस्मिता कार्कीलाई निर्दोष ठहर गरेको हो । पत्रकार शालिकराम पुडासैनीको आत्महत्या प्रकरणमा उनीहरु विरुद्ध दुरुत्साहन गरेको आरोप लागेको थियो ।

न्यायाधीश हेमन्त रावलको इजलासले फैसला गरेको हो । गत साउन २० गते नारायणगढस्थित एक होटलमा झुण्डिएको अवस्थामा पत्रकार पुडासैनीको शव भेटिएपछि केही दिनमा एक भिडिओ समेत सार्वजनिक भएको थियो ।

जहाँ लामिछाने, अस्मिता र युवराजले आफूलाई आत्महत्या गर्न बाध्य पारेको दावी पुडासैनीले गरेका थिए । सोही भिडिओका आधारमा आत्महत्या दुरुत्साहनको मुद्दा उनीहरुविरुद्ध चितवन अदालतमा परेको हो ।

Facebook Comments Box