सुन्तला तथा कागती सम्वन्धी प्रबिधि तालिम शुरु ।

आँधीखोला खबर/वालिङ
वालिङ नगरपालिका वडा नम्वर ६ मा सुन्तला तथा कागती सम्वन्धी प्रबिधि तालिम शुरु भएको छ । युएनडिपी नेपाल र वालिङ नगरपालिकाको आर्थिक सहयोगमा दियालो संस्थाद्धारा वालिङमा सञ्चालित “सीप तालिम कृषि तथा उद्यम बिकासद्धारा आर्थिक सशक्तिकरण परियोजना अन्तरगत कृषकहरुका लागि तालिम दिन शुरु गरिएको हो ।
तालिमको उद्घाटन गर्दै वालिङ नगरपालिका वडा नम्वर ६ का अध्यक्ष श्यामकृष्ण श्रेष्ठले नयाँ प्रबिधि र सीपको माध्यमबाट सुन्तला तथा कागतीको उत्पादन बढाउन सकिने बताउनु भयो । सुन्तलाको राम्रो उत्पादन हुने जिल्ला मध्ये स्याङ्जा अग्र स्थानमा पर्ने भन्दै श्रेष्ठले व्यवहारीक सिप सिक्न सहभागीलाई आग्रह गर्नु भयो । कृषक र उद्यमीको हितमा नै नगरपालिकामा सीपमुलक कार्यक्रम सञ्चालन गरिएको वडा अध्यक्ष श्रेष्ठले जानकारी दिनुभयो ।


कार्यक्रमको बारेमा जानकारी दिदै परियोजना प्रमुख राधाकृष्ण डुम्रेले तालिम कृषकहरुको मागका आधारमा सञ्चालन भईरहेको जानकारी दिनुभयो । कृषक तथा उद्यमीलाई तालिमसँगै आवश्यक सहयोग प्रदान गर्ने कार्यक्रम रहेको प्रमुख डुम्रेको भनाई छ ।
तालिममा वालिङ नगरपालिकाका कृषि शाखा प्रमुख केश बहादुर थापा लगायतको प्राबिधिक समुहले प्रशिक्षण दिएको छ ।
सुनौलो सुन्तला उत्पादन सहकारी संस्थाका अध्यक्ष ईन्द्र बहादुर थापाको अध्यक्षतामा सम्पन्न भएको तालिमको उद्दघाटन कार्यक्रममा स्वागत पूर्ब वडा अध्यक्ष भोजेन्द्र बहादुर थापाले र सञ्चालन दियालो संस्थाका बजारीकरण प्रमुख गंगाधर खनालले गर्नु भएको थियो ।

Facebook Comments Box
TOP